AUGUST 30TH 2026.
TWENTY-SECOND SUNDAY IN ORDINARY TIME, YEAR A.
FIRST READING
“The word of the Lord has become a reproach for me.”
A reading from the Book of Jeremiah (JEREMIAH 20: 7 – 9)
O Lord, you have deceived me, and I was deceived; you are stronger than I, and you have prevailed. I have become a laughing stock all the day; every one mocks me. For whenever I speak, I cry out, I shout, “Violence and destruction!” For the word of the Lord has become for me a reproach and derision all day long. If I say, “I will not mention him, or speak any more in his name,” there is in my heart as it were a burning fire shut up in my bones, and I am weary with holding it in, and I cannot.
The Word of the Lord.
RESPONSORIAL PSALM
Taken from Psalm 63: 2, 3 – 4, 5 – 6, 8 — 9 (R.) .2ab
And the response is;
R/. For you my soul is thirsting, O Lord, my God.
O God, you are my God; at dawn I seek you;
For you my soul is thirsting.
For you my flesh is pining,
Like a dry, weary land without water. R/.
I have come before you in the sanctuary,
to behold your strength and your glory.
Your loving mercy is better than life;
my lips will speak your praise. R/.
I will bless you all my life;
In your name I will lift up my hands.
My soul shall be filled as with a banquet;
With joyful lips, my mouth shall praise you. R/.
For you have been my strength;
In the shadow of your wings I rejoice.
My soul clings fast to you;
Your right hand upholds me. R/.
SECOND READING
“Present your bodies as a living sacrifice.”
A reading from the Letter of Saint Paul to the Romans (ROMANS 12: 1 – 2)
I appeal to you, brethren, by the mercies of God, to present your bodies as a living sacrifice, holy and acceptable to God, which is your spiritual worship. Do not be conformed to this world but be transformed by the renewal of your mind, that you may prove what is the will of God, what is good and acceptable and perfect.
The Word of the Lord.
GOSPEL ACCLAMATION
Ephesians 1: 17 – 18
Alleluia.
May the Father of our Lord Jesus Christ enlighten the eyes of our hearts that we might know what is the hope to which he has called us.
Alleluia.
GOSPEL
“If any man would come after me, let him deny himself.”
A reading from the holy Gospel according to Matthew (MATTHEW 16: 21 – 27)
At that time: Jesus began to show his disciples that he must go to Jerusalem and suffer many things from the elders and chief priests and scribes, and be killed, and on the third day be raised. And Peter took him and began to rebuke him, saying, “God forbid, Lord! This shall never happen to you.” But he turned and said to Peter, “Get behind me, Satan! You are a hindrance to me; for you are not on the side of God, but of men.” Then Jesus told his disciples, “If any man would come after me, let him deny himself and take up his cross and follow me. For whoever would save his life will lose it, and who ever loses his life for my sake will find it. For what will it profit a man, if he gains the whole world and forfeits his life? Or what shall a man give in return for his life? For the Son of man is to come with his angels in the glory of his Father, and then he will repay every man for what he has done.”
The Gospel of the Lord.
Shona readings nemharidzo
Svondo 30 Nyamavhuvhu, August 2026
Svondo yemakumi maviri neyechipiri yegore – A
Chiverengo chokutanga:
Jeremiya 20,7-9
Inzwai chiverengo chinobva mubhuku roMuporofita Jeremiya
Imi Tenzi makandinyengedza,
ini ndikabvuma kunyengedzwa.
Imi makasimba kupinda ini uye imi
makandikurira. Ndava chiseko chenyika zuva rose.
Munhu wose anondisvoveredza.
Nokuti pandinoti nditaure, ndinoshevedzera
ndichidaidzira ndichiti, “Hecho chisimba noumharadzi!” Nokuti shoko raTenzi rave kwandiri chinhu
chinondishoresa nokundisekesa zuva rose.
Ndikati nditi, “Handichambofunga nezvake kana
kutaurazve nezita rake,” mumwoyo mangu munoita
somune moto unopisa wakapfigirwa mumapfupa
angu, zvandikunda ini, handichazvigoni.
Shoko raTenzi.
Rwiyo rwokutsinhira: Nziyo 63,1-5.7-8. (D – 1)
(D) – Mwari, ndimi Mwari wangu, ndinokutsvakai.
1
Mwari, ndimi Mwari wangu, ndinokutsvakai,
ini ndinokufirai nenyota.
Nyama yangu inokutakwairirai,
senyika yakaoma yerenje, isina mvura.
(D) – Mwari, ndimi Mwari wangu, ndinokutsvakai.
2
Regai ndikuonei zvangu munzvimbo yenyu
inoera, ndione simba renyu nembiri,
3
nokuti mwoyochena wenyu uri nani kupinda
upenyu, miromo yangu ichakurumbidzai.
(D) – Mwari, ndimi Mwari wangu, ndinokutsvakai.
4 Saka ndichakurumbidzai upenyu hwangu
hwose. Ndichasimudza maoko angu
ndichidaidza zita renyu.
5
Mweya wangu uchadyiririra sokunge ndiri
kudya mwongo namafuta,
muromo wangu uchakurumbidzai norufaro.
(D) – Mwari, ndimi Mwari wangu, ndinokutsvakai.
7
Ndimi manga muri muyamuri wangu.
Pasi pamapapiro enyu ndinoimba norufaro.
8
Ndinoti nemi name name,
ruoko rwenyu rworudyi rwunondisimbisa.
(D) – Mwari, ndimi Mwari wangu, ndinokutsvakai.
Chiverengo chechipiri: VaRoma 12,1-2
Inzwai chiverengo chinobva mutsamba yaPauro kuvaRoma
1
Ndinokukumbirisai, hama dzangu, pamusana
petsitsi dzakaitwa naMwari, kuti mupire miviri
yenyu sechibayiro chipenyu, chitsvene chinofadza
Mwari; ndiko kunamata kwezvomweya ikoko.
2
Musatevedzere zvenyika asi vandudzwai muve
vatsva mupfungwa dzenyu kuti munyatsoziva
kuti zvinoda Mwari ndezvipi, uye kuti zvakanaka
ndezvipi zvinofadza Mwari, uye zvakaruramisisa.
Shoko raTenzi.
Kupemberera Shoko Rakanaka:
VaEfeso 1,17-18
Areruya, Areruya.
Dai Mwari waTenzi
wedu Jesu Kristu, Baba vembiri vangotipa
Mweya woungwaru, kuti tizive chitarisiro
chaakatidanira. Areruya.
Shoko Rakanaka: Mateu 16,21-27
Inzwai Shoko Rakanaka rakanyorwa naMateu
21
Jesu akatangisa kuratidza vadzidzi vake kuti
anofanira kuenda kuJerusaremu achindotambudzika zvikuru ari mumaoko avakuru vakuru,
navapristi vakuru nenyanzvi dzomutemo, ozouraiwa achizomutswa nezuva retatu.
Pita akamutora ndokutanga kumutsiura achiti,
“Mwari haangadaro Tenzi. Hazvimbofa zvakaitika
kwamuri izvi.”
Jesu akatendeuka akati kuna Pita,
“Ndibvirepo, Satani! Uri chipinganidzo, nokuti
hausiri kudivi kwaMwari, asi kudivi kwavanhu.”
Jesu akataurira vadzidzi vake achiti, “Kana
munhu achida kunditevera ngaazvirambe atakure
muchinjikwa wake anditevere,
nokuti uyo anoda
kuponesa upenyu hwake acharasikirwa nahwo.
Uyo anorasikirwa noupenyu hwake pamusana
pangu, achahuwana.
Nokuti zvinobatsirei munhu
kuwana zvinhu zvapasi pose, iye achirasikirwa
noupenyu hwake. Kana kuti angabvisei chokutsinhanisa noupenyu hwake?
Nokuti Mwanakomana womunhu achauya navatumwa vake
mumbiri yaBaba vake, achizopa munhu nomunhu
mubayiro wezvaakaita.”
Shoko Rakanaka raTenzi.
Mharidzo
Hama dzinodiwa, vaTsvene nembiru dzechitendero,
vanova ivo vanhurume navanhukadzi vakavimbika
mukuzadzikisa mabasa avakatumwa naMwari,
vanoyemurwa zvikuru, vachiremekedzwa nguva
zhinji. Asika, vatsvene ivava vakasangana namata-
mbudziko makuru nguva dzakawanda, vakashu-
ngurudzwa nokukonona pamwe nemiyedzo.
Chiverengo chokutanga chinotaura nezvokuchema
komuporofita Jeremiya. Muporofita anotaura
mushure mokunetsana kwake nomupristi Pashuri,
akambenge amurova nokumuisa muchitokisi (onai
Jeremiya 20,1-2).
Chikonzero choutsinye uhwu chaiva chokuti mupo-
rofita Jeremiya akanga ataura nezvokuparadzwa
kweJerusaremu pamwe neTembere, pamusana
pokutadza nokusavimbika kwavanhu, pamwe
nokutyora chitsidzo chavo naMwari.
Nokuda kwokuparidza kwake, muporofita akanzi
mutengesi mukuru, zvichinzi mharidzo yake yaiva
yamanyepo aidzikisira nokumhura zvinhu zvaiko-
sheswa chaizvo naVaIsiraeri – Guta Dzvene neTe-
mbere. Paakazosunungurwa, Jeremiya akanyu-
nyutira Mwari namazwi makobvu namatete, achi-
popota kuti Mwari akamumanikidza kuti ave
muporofita aizotaura pamusoro pokuparadzwa
kuchavapo munguva pfupi ichatevera. Jeremiya aida chaizvo Tembere, Guta Dzvene
navanhu vake. Angadai akada kuvaudza mashoko
okunyaradza nokusimbisa. Pano kudaro, achiona
zvaizoitika, akaminikidzwa kutaura nezvamagumo
azvose zvaaidisa. Aitarisira kuti nokutaura pamu-
soro pokuparadzwa uku, aigona kushandura mwo-
yo yavanhu kuti vadzokere kuna Mwari, zvaizoita
kuti ramangwana ravo rive nani.
Pano kuti zviite sokudaro, akakundikana pabasa
raakanga atumwa. Vatungamiri noruzhinji rwava-
nhu havana kugamuchira shoko rake; vakamutuka,
vakamuvhunditsira, vakamushungurudza noku-
muramba. Kutadza kwake ikoko ndiko kwakaita
kuti Jeremiya atsamwire Mwari nokumupopotera
kuti akamutuma kunoita basa rakagara risina
kwaraisvika.
Asizve, mushure mokukundikana pamwe nokuta-
mbudzwa, Jeremiya akatsidza kuti haachataurazve
nomuzita raMwari; akaramwa basa rake, aine
chinangwa chokutiza Mwari. Asika, Jeremiya
akaona zvisingagoneki kuti asiye basa rake.
Akanzwa shoko raMwari richipisa mukati-kati
make, somoto unoparadza, waakatadza kudzimura.
Zvisinei namarwadzo uye kugunun’una, Jeremiya
akangoona zvichimutuma zvoga kuti aenderere
mberi nokuparidza shoko raMwari. Hama dzangu, muChiverengo chechipiri Pauro
anokuridzira VaRoma kuti vazvipire sechibairo
chipenyu mukuitira Mwari. Achishandisa mashoko
omupiro, Pauro anovaudza kuti upenyu hweChi-
Kristu hunofanira kusiyana nehworuzhinji rwava-
nhu, dzimwe nguva mararamiro avo achitopesana.
Kupira muviri wako sechibairo zvinoreva kuzvi-
shashika zvokutogona kurambwa navamwe pamu-
sana pechitendero chako. Zvinorevawo kushandura
pfungwa dzako, kuti unzwisise chido chaMwari
nokuchitevera.
Hama dzinodiwa, Shoko Rakanaka ranhasi rino-
enderera mberi nenyaya yeSvondo yakapera, pati-
noona kuti Jesu anoita sei mushure mokudaidzwa
kuti Mesia (“Kristu”) naPita. Mukudaidza Jesu kuti
Mesia, Pita akaona kuti Jesu akauya panyika
kuzozadzikisa basa raMwari roruponeso rwerudzi
rwomunhu. Zvakazovhundutsa vadzidzi vake
kutaura kwakaita Jesu kuti kuva Mesia zvaireva
kufa pamuchinjikwa rufu rwunorwadza zvikuru.
Pfungwa dzaPita dzakasiyana zvikuru nedzaJesu.
Kunyange zvake akanga anzi ndiye mukuru weSa-
ngano, Pita, achinzwa Tenzi wake achitaura nezvo-
kufa kwakanga kwava padyo, akaedza kushandura
pfungwa dzaJesu achitaura kuti kufa kwakadai
hakwaizombowira Jesu. Naizvozvo, Jesu anomupindura achimudaidzira
kuti “Ndibvirepo Satani!”, obva aenderera mberi
achisimbisisa kuti kutakura muchinjikwa chimwe
chezvinhu zviri muupenyu hwomudzidzi wake.
Hama dzinodiwa, sokurema kunongoita chitsidzo
chipi nechipi zvacho muupenyu, ndiko kuremawo
kunoita kuzvipira kuna Mwari. Kuna Jeremiya,
kuva muporofita kwakareva kushaiwa rukudzo uye
kushungurudzwa, pamwe nokushaiwa chiremera,
kusarurwa uye kushushikana muhana.
Kunyange zvanga zvakadaro zvazvo, akaramba
akabatirira pakuti shoko rake raaudza vanhu raka-
nganga riri rechokwadi uye basa raakatumwa
raifanirwa kuitwa. Zvisinei nokuti akamboita
pfungwa yokuda kutiza, achisiya zvose, mukati-
kati mehana yake Jeremiya aiziva kuti zvaaigona
kuita zvoga kuenderera mberi nebasa rake. Izvozvi
ndizvo zvaakaita.
“Kutiza” zvinhu zvatinofanirwa kuita uye patino-
fanira kuzvipira ndiko kwava kunyanya kuitika
munyika nomuupenyu hwamazuva ano. Undingo-
veni uhwu nokungozvifunga kunobata-bata
upenyu hwedu munzira dzakawanda, kusanganisira
mumagariro edu nehama dzedu, kumabasa, muku-
batana navamwe kuChechi, uye mune zvatinofanira
kuita munharaunda. Takatarisana nouwandu
hwezvatinogona kusarudza, munhu anogona “kutora pano naapo” raramiro yaanoda kuita uye
vanoda kuwirirana navo chero nguva yaanenge
asisiri kugutsikana nezviripo uye zvaainazvo.
Kutiza nokubuda uku kubva muukama namagariro
navamwe aripo, pamwe nokuzvomoka kubva mune
zvatinenge tichifanirwa kuita zvinowanikwa,
kazhinji, panguva yamatambudziko kana kune-
tsana.
Kubuda kwevana vazhinji muzvikoro zvapamusoro,
maunivhesiti, nokuchinja-chinja dzidzo dzavari-
kutora, kunyuka kwamachechi zuva nezuva,
“uKristu hwokungoshanya”, ushamwari nokuzi-
vana napamasaisai eInternet, Social Media, uye
kurambana kwakwanyanya ndemimwe mienzaniso
yokurerekera kwatinoita kune zvinotiyevedza.
Ndizvo zvimwechetewo nokuzvipira kuna Mwari
apo, zvakare munguva yamatambudziko kana kuti
minamato yedu isiri kupindurwa uye zvatinotarisira
zvisiri kuitika, tinosuduruka kubva pana Mwari
tichida kutsvaga zvimwe zvatinofunga kuti zvi-
chaita kuti tigutsikane uye tizadzise upenyu hwedu.
Iyi suku nasai nokungochinja-chinja chiratidzo
chiri pachena chokuti tiri kumhanyisa. Ngati-
mbomirai, tizvivhunze kuti, “tiri kumbotizeiko?”
uye, “chii chiri kukonzera nyonga-nyonga
muukama hwedu navamwe uye naMwari?”
Kazhinji kacho mhinduro iri pachena; tiri kutiza kubva mukuzvipira, mukugwinya tiripo uye muku-
vimbika. Izvi zvava kuonekwa sezvinhu zvakare,
sokusara mushure.
Mwari anotituma kuti tive vanhu vanoratidza rudo,
kugwinya nokuzvipira muupenyu hwedu, nokuti
kana izvi zvisipo ukama hwedu navamwe pamwe
nezvatinorasirira nokuvavarira muupenyu hazvi-
zadzikiswi zvakakwana. Nguva ichiripo yokuti
tichirega kutiza Mwari, nokutiza avo vanoda kuti
tive navo, tibvume kutungamirirwa nazvose
zvakanaka zvokuzvipira, kusadzokera mushure uye
kuvimbika. Pakugumisira, izvi ndizvo zvichange
zvakakosha, zvichaita kuti upenyu hwedu huve
nechirevo.
Ngatinamatei:
Tenzi wadiwa, zuva nezuva ndinonamata kuti
ndinyatsokukuonai zvakawedzerwa, ndikudei
zvakapamhidzirwa, uye ndikuteverei ndiri
padyo nemi.
Tinonamata nokuna Jesu Kristu Tenzi wedu,
Mwanakomana wenyu, anogara nokutonga
pamwe nemi, makabatana naMweya
Mutsvene, muri Mwari, narini narini. Ameni.


